BIZKAIKO OGASUNAK IAZ BILDUTAKOA, MILIOI EUROTAN

2015. urtean 6.515 milioi euroren zergak bildu zituen Bizkaiko Aldundiak. Aurreko urtean baino 31,8 milioi gehiago dira (%0,5), baina urrian Finantzen Euskal Kontseiluak kalkulatutakoa baino 150 milioi gutxiago. Aldundiak azaldu duenez, urtearen amaieran BEZaren bilketa 164 milioi jaitsi zen, petrolioaren eta gasaren prezioen jaitsierak produktu horiekin aritzen diren Bizkaiko enpresen sarrerak gutxitu zuelako.