Gazte kualifikatuak laneratzeko ahalegina egingo du Leioako Behargintzak

Leioako Behargintza zentroak Hazilan proiektua jarri du martxan; lanik ez daukaten udalerriko gazte kualifikatuei eta herriko enpresei zuzenduta dago. Egitasmoak bost urteko iraupena edukiko du; 2016an hasi eta 2020an amaituko da. Udal iturri leioaztarrek azpimarratu dutenez, EAE mailako Garapen elkarteak koordinatuko du Hazilan. Izan ere, Araba, Bizkaia eta Gipuzkoako 20 garapen-agentziek parte hartuko dute, tartean Leioako Behargintzak. Egitasmoaren helburua da lan barik dauden neska-mutilei zeharkako konpetentzietan prestakuntza ematea, horiek goi-mailako ikasketak eduki arren. Bide batez, proiektu bat bideratu gura duten enpresatan gazte horiek kokatuko dituzte, hainbat eratara (praktikak, lanpostuan bertan prestakuntza, proiektu berriak, eta abar). Irakurri gehiago

Bilboko Metroak balantze positiboarekin itxi du 2015a

2012 eta 2013. urteetan, baliozkotze kopuruak behera egin ondoren, 2014ean, bidaia kopuruak gora egin zuen berriro. 2015eko zifrei dagokienez berriz, goranzko joera hori finkatzea lortu zen, nahiz eta 2015ean 2014ean baino lanegun bat gutxiago egon. Irakurri gehiago

Greba eskubidearen defentsan Airbuseko zortzi auziperatuei babesa agertu diete

Hainbat lagun elkartu dira Albia lorategian gaur goizean, Justizia jauregiaren aurrean, UGT Euskadik eta CCOO Euskadik deituta, greba eskubidearen defentsan. 2010eko greba orokorrean Getafen (Madril) gertatutako istiluetan parte hartzea egotzita gaur Madrilen epaituak izango diren zortzi langileri elkartasuna adierazi diete. Irakurri gehiago

Otsailaren 11n egingo dute HAZILAN programaren informazio saioa, Bermeon

Busturialdean erroldatutako 20 eta 35 urte bitarteko gazteek eskualdeko enpresetan praktikak egiteko aukera ematen duen programa da HAZILAN. Hain justu, bertan parte hartzen dutenek otsailaren 29an hasiko dituzte praktikak eta maiatza eta ekaina bitartean bukatu. Hala ere, praktikak hasi orduko, informazio saioa egingo dutela jakitera eman dute, “programa ezagutzera emate aldera”. Irakurri gehiago. 

Urdaibai, natura eta turismoa ardatz dituen BirdFlyway proiektuaren katebegi

Europako beste zentro batzuekin elkarlanean, naturarekin estu lotuta dagoen proiektu turistiko bat ipini du martxan Aranzadi Zientzia Elkarteak. BirdFlyway edo Hegaztien ibilbidea deritzo proiektuak, eta kalitatezko turismoaren eredu izatea dauka helburu. Horrez gain, eragin ekonomikoa ere izango duela aurreikusten da. Gaur gaurkoz, Europako bederatzi herrialdetako hamasei zentrok egin dute bat proiektuagaz, tartean, Urdaibai Bird Centerrek. Irakurri gehiago. 

Nazioartekotzearen Euskal Partzuergoa enpresarien aurrera azalduko da, lehentasunezko merkatuetako negozio aukerak eta joerak aztertuko dituen Kongresu batean

Nazioartekotzearen Euskal Partzuergoa 2014an sortu zuten Eusko Jaurlaritzak eta Bizkaia, Araba eta Gipuzkoako Foru Aldundiek hiru lurraldeetako merkataritza ganberekin batera, helburutzat harturik denen ahaleginak uztartzea eta autonomia erkidegoko konpainiei atzerrira ateratzen laguntzea.  ‘Mundura Begira – Mirando al mundo’ ekitaldia Euskalduna Jauregian egingo da martxoaren 16an, eta bertara azalduko dira egoera ekonomikoaren azterketan espezializatutako hainbat analista, Alemania, Txina, Estatu Batuak, Mexiko eta Hegoafrikatik etorriko direnak.  Parte-hartzaileek www.spri.eus/mundura-begira web orrian emango dute  izena, eta hitzorduak erreserbatu ahal izango dituzte SPRIko Kanpo Sareko eragileekin, beren kasuak azaltzeko. Irakurri gehiago.

bilbao Batzar Nagusiek, "tasa arrosak" emakumeengan dauen eraginari buruzko "azterlana" egitea eskatu deutsie Eusko Jaurlaritzari

Bizkaiko Batzar Nagusiek, aho batez, Eusko Jaurlaritzak “tasa arrosa” deritxonaren “existentziari, nondik norakoari eta eraginari” eta gain-kostu horrek Euskadiko merkaduan emakumeei zuzendutako produktuetan edo zerbitzuetan dauen “eraginari” buruzko txostena egitea erabagi dabe, Enplegu, Gizarteratze eta Bardintasunerako Batzordean. Irakurri gehiago

ALDUNDIAK ENPRESA-LEHIAKORTASUNARI LAGUNTZEKO 3i LAGUNTZA-PROGRAMA ABIARAZI DU

Industria, eraikuntza, industriari lotutako zerbitzuak eta handizkako merkataritza sektoreetako enpresetan, berrikuntza, nazioartekotze eta inbertsioko egintza integralen bidez, lurraldeko enpresa txiki eta ertainen lehiakortasuna handitzea da programa horren helburua. Ekonomi eta Lurralde Garapena Sustatzeko Sailak 2.650.0000 euroko partida ezarri du 2016. urterako. Eta lehenengo aldiz foru programa batek enpresa bakoitzerako 500.000 euroraino laguntza-ildo ekonomikoak jasotzen ditu. Eskabideak aurkezteko epea 2016ko otsailaren 26ra arte egongo da zabalik. Irakurri gehiago

FORU ALDUNDIAK BIZKAIAREN NAZIOARTEKOTZEA BULTZATUKO DU 4.190.000 EUROREKIN

 Lurralde eta Ekonomia Garapenerako diputatuak enpresak nazioartekotzeko programak aurkeztu ditu, Bizkaiko enpresa sareari merkatu berriak zabaltzen laguntzeko. Irakurri gehiago   

Sestaoko ACB lantegiko beharginak itxialdi mugagabeari ekingo diote

ACBko langile batzordeak Arcelor Mittaleko zuzendaritzarekin bilera izango dute gaur, eta, horrekin batera, gaur bertan itxialdi mugagabea hasiko dute beharginek Sestaoko (Bizkaia) altzairutegiaren plantan. Atzo batzarrean erabaki zuten protesta neurri horrekin hastea, harik eta lantegiaren itxiera mugagabea bertan behera geratzea lortzen duten arte.