‘Nahizun Ondarru! Gazte enplegua bultzatuz’ parte hartze prozesua abiatu du Ondarroako Udalak

Ondarroako Udalak abian ipini duen Nahizun Ondarru! Gazte enplegua bultzatuz parte hartze prozesuaren bitartez, Ondarroa 2020 proiekturako gazteen ekarpenak jaso nahi dira. “Gazteen behar eta ikuspuntuak ezagutuz eta partekatuz, gazteen artean enplegua sustatzeko aurrera eraman beharreko erronka berriak guztion artean adostuko dira. Eta helburu horri jarraituko dio Ondarroako Udalak martxan jarritako prozesu berritzaileak”. Irakurri gehiago.

Kapsch TrafficCom enpresa austriarrak Schneider Electric Transporte konpainiaren kontrola hartu du

Schneider taldeak akordio bat sinatu du Kapsch TrafflcCom enpresa austriarrarekin, bere garraio filiala saltzeko. Operazioak eragin zuzena izango du Euskadin, hemen baitago esparru horretan espezializatutako zentroetako bat. Hain zuzen, Kapsch enpresak Telvent Tráfico y Transporte zenaren aktiboak erosiko ditu, zeinak Bilboko Arce Ibérica barne hartu baitzuen bere garaian. Akordioaren arabera, 35 milioi euro ordainduko dira garraio dibisioaren truke.  Operazio honen bidez, Kapsch enpresak garraio sistema adimendunen (ITS) sektoreko produktu zorro handiena izango du, eta alderdi hori erabakigarria izango da hiri adimendunak garatzeko orduan.

Kapsch taldeak filial eta bulego sare zabala du 33 herrialdetan, 3.500 profesional enplegatzen ditu eta 2015ean 456 milioi euroko diru-sarrerak izan zituen.
- See more at: http://www.spri.eus/berriak-spri/berriak/nazioartekotzea-kapsch-trafficcom-enpresa-austriarrak-schneider-electric-transporte-konpainiaren-kontrola-hartu-du#sthash.wfGcLa6F.dpuf

Arrantza kultura berpizteko

Esperientzia alde batean, eta ikasteko grina bestean. Jesus Gangoitiren eskuetan erraza dirudiena, praktikan, ez da horren erraza. Hala ere, pazientzia apur batekin eta behin eta berriro errepikatuta, lortzen da. Hain zuzen ere, arrantzu tresneria egiten ikasten dabiltza 16 eta 47 urte bitarteko zazpi lagun: lau emakumezko eta hiru gizonezko. Irakurri gehiago

Batzarren bisita Autzaganeko obretara

Batzarretako taldeek, Aldundiko Ekonomiaren eta Lurraldearen Garapeneko sailak Autzaganeko obretara egin dauen bisitan hartu dabe parte gaur, “lekuan bertan” ezagutzeko Autzaganeko mendatea zeharkatuta Amorebieta eta Gernika lotzen dauen errepidearen zati hori eregiteko obrak zein egoeratan dagozan, esleipena dauen enpresa barriak Urdinbideko tunelak bukatzeko beharrei ekin baino egun batzuk lehenago. Irakurri gehiago

DEMAK ANTOLATU DITUEN GAZTE EKINTZAILEEN I. JARDUNALDIETAN ‘BIZKAIKER.EUS’ BIZKAIKO LAN-DEMOGRAFIAREN MAPAREN ARGITALPENA EGIN DA

Mapan EHU/UPVko katedraduna den Sara de la Ricak parte hartu du eta lan-munduari eta langabeziaren aurkako borrokan jarduten duen erakundeei buruzko informazioa eskaintzen du. Jardunaldien ardatzak gazteen ekintzailetza eta hirugarren sektorearen eta gizarte-ekonomiaren aukera enpresarialak izan dira.

BIZKAIA TALENTEK ETA CENARRUSA FUNDAZIOAK EUSKADI ETA AMERIKA ARTEKO PROGRAMAN PARTE HARTZEKO ESKABIDEETARAKO EPEA IREKI DUTE

 Eskabideak bidaltzeko epea 2016ko apirilaren 30ean amaituko da. Bi lurraldeetan lan-ibilbidea garatzeko ahalmen handia duten profesionalek AEB/Kanadako eta Euskadiko errealitate zientifiko, teknologiko, enpresarial, instituzional eta kulturala zuzenean hobeto ezagutzea dauka helburu. Era berean, bi lurraldeetan ahalmen handia duten goi-mailako prestakuntzadun profesionalen arteko lotunea ere sortu nahi du maila pertsonalean zein lurralde-mailan. Horretarako, harreman zuzena ezarri nahi du bertako erakunde/instituzio nagusiekin. Irakurri gehiago.

ALDUNDIAK 20 MILIOI INBERTITU DITU ENPRESA BERRIKUNTZA, NAZIOARTERATZE, INBERTSIO, KOOPERAZIO ETA TALENTURAKO DIRU-LAGUNTZETAN

Ekonomi eta Lurralde Garapena sustatzeko diputatuak, Imanol Pradalesek, Bizkaiko enpresa-sarearen hazkuntza berrindartzeko, sektore batzuk nazioarteko erreferentzia modura sendotzeko eta aliantza estrategikoak ezartzeko diru-laguntzak zehaztu ditu CEBEKen enpresariekin izandako bileran. Irakurri gehiago.