Leioako enpresa-mintegirako deialdia zabaldu dute

Leioako Udalak Ibaiondoko enpresen udal mintegian izena emateko epea ireki du; martxoaren 10era arte aurkez daitezke eskaerak. Bizitegia Ibaiondo plazan dago, 1. zenbakian, 107. bulegoan, eta esleipendun enpresei laguntzeko eginda dago, udal iturri leioaztarrek adierazi dutenez. Euren berbetan, "bizitegiko moduluak aldi baterako zainpeko esleipenaren bidez utziko dira". Horrela, enpresek honako hau izango dute eskuragai: esleitutako modulua edo moduluak; erabilera anitzerako aretoa; eta negozioari laguntzeko zerbitzu gehigarriak. Irakurri gehiago 

Aurreko urtean baino bisitari gehiago hartu ditu Getxok 2015ean

Getxoko Turismo Bulegoak 51.772 bisitari hartu zituen iaz. Hala, aurreko urtean baino %54 gehiago etorri ziren 2015ean, Udalak jakinarazi duenez. Ereagako bulegoan 21.810 lagunen zalantzei erantzun zieten, bisitari guztien %42 (2014an baino %25 gehiago); Bizkaiko Zubian dagoen bulegoan, berriz, 24.685 laguni, guztien %48 (aurreko urtean baino %67 gehiago); eta bulego mugikorretan gainerakoei, 5.277 bisitariri (%10), aurreko urtean baino %198 gehiagori. Irakurri gehiago.

Faes Farma enpresa bisitatu du Urkulluk

Iñigo Urkullu Eusko Jaurlaritzako lehendakariak Faes Farma enpresa farmazeutikoak Leioan daukan egoitza bisitatu du gaur goizean, Arantxa Tapia Ekonomiaren Garapen eta Lehiakortasun sailburuagaz eta Jon Darpon Osasun sailburuagaz batera. Zuzendaritza-taldeagaz bildu da eta instalazioak bisitatu ditu ondoren, bertan ikertzen eta botikak ekoizten egiten duten lana zuzenean ezagutzeko. Horrela, Urkulluk babesa adierazi gura izan die ikerketaren eta I+G+Bren aldeko apustuari eutsi dioten euskal enpresa denei, "ezagutza eta enplegu jasangarria sortzeko gauza izan baitira urteetan zehar". Irakurri gehiago.

Astero, bi familia kale gorrira

Otsailaren bata, bia, laua, zortzia, hamarra… Hilabete gogorra izango da honako hau Barakaldon; aurrekoak bezain gogorra, eta ondorengoak bezain latza, ziur asko. Zortzi etxe kaleratze gauzatzea aurreikusita zegoen Barakaldoko epaitegian hilabete lehenagotik. Egunak jarrita zeuden, otsaileko zortzi egunetan zortzi etxebizitzetan bizi diren familiak indarrez kanporatzeko. Hileko lehen eguna uste baino hobeto amaitu zen, kaleratzeko epea atzeratu egin baitzuten. Baina ez dute guztiek zorte bera izango. Bigarren eguna, horren lekuko: iragarritako agindua bete, eta etxerik gabe utzi zuten familia bat. Irakurri gehiago. 

Bilbo Zaharrean Espazioak Trukatzeko Sarea sortu da

Wikitokin (San Frantzisko auzoan kokatutako praktika kolaboratiboen laborategian) Espazioak Trukatzeko Sarea ekimena jarri da abian. Proiektu horrek helburutzat du baliabide ukigarriak eta ukiezinak partekatzea Bilbo Zaharra, San Frantzisko eta Zabala auzoetako eragileen artean. Irakurri gehiago. 

- See more at: http://www.spri.eus/berriak-spri/berriak/berrikuntza-bilbo-zaharrean-espazioak-trukatzeko-sarea-sortu-da#sthash.eCZn7TvV.dpuf

UNAI REMENTERIAK IRAGARRI DU ASTELEHENEAN AURKEZTUKO DUELA EIC-REN LEHENENGO PROIEKTUA

Radio Euskadiko Boulevard saioan egin dioten elkarrizketa batean, Ahaldun Nagusiak adierazi du erabat bidegabea dela Sestaoko ACB lantegiak duen egoera, eta Europaren eta Espainiaren erreakzioa erreklamatu du. Irakurri gehiago.

ACBtik labe garaia ikusten da

ACBko zuzendaritzak zehaztu du ez dutela lantegia berriz zabalduko «merkatuaren egoera hobetu artean». Langileek itxialdia hasi dute irtenbide bat bilatu bitartean. Irakurri gehiago